砵仔糕

砵仔糕
六個份量 six pieces
片糖 100g raw slab sugar
沾米粉 100g rice flour
水 450ml water
澄麵粉 50g gluten-free flour
紅豆 30g red bean

紅豆先浸一晚
再煮至軟身 但唔爆開
約一小時

沾米粉 ,澄麵粉混合
片糖加水煮滾至糖溶解
熄火等約3－5分鐘
糖水降至80度 沖落粉到形成粉漿
同時不停攪拌
粉漿會受熱杰身

粉漿倒入砵仔
加紅豆
蒸15分鐘就ok
 
傳統砵仔糕中間會有d凹
想做到呢個效果
只需要等糖水溫度再低d先倒入粉度
但小心出黎粉漿會沉澱 上軟下硬 影響口感
要快手倒入砵仔 同蒸 唔好等太耐

現在用呢個方法可以做出平整的砵仔糕
同時用水量都比較高 所以凍左都唔會硬身
比較似麵包湯種的做法

如果想做白色砵仔糕
只需要用白糖代替黃糖
減去少少糖用量(白糖為精煉產品 純度較高)
減去水用量 80ml 加入100m椰漿
就可以了

什錦天婦羅 Tempura

什錦天婦羅
鴻喜菇 幾粒
蕃薯 幾片
茄子幾舊
蝦蝦蝦 哈哈
南瓜 幾片

低筋麵粉  140g
水 100ml
蛋 1粒
冰 少量

天婦羅沾醬
木魚清湯 3湯匙
豉油 2茶匙
味醂 1茶匙
糖 2茶匙


蔬菜切成小片
唔好咁厚 會好難熟
蝦剝殼去腸 反轉蝦腹 斜界三刀
可以切斷條筋 炸果時就唔會咁曲

低筋面粉,水,蛋混合
如果可以就用冰水
攪完就加幾粒冰 麵糊愈凍 出黎愈脆
如冰溶晒要加返少少(10-20g)麵粉

用一個細而深的鍋
油要蓋過食材
中火預熱
滴少少麵糊落去 如果沉一陣就浮起即係差唔多

蝦可以先印d乾粉再上麵糊
蔬菜都要印乾水份 唔係好易甩皮
厚身的,茄子炸先
最尾先炸蝦 蝦炸一陣就熟

再整埋個沾醬
木魚清湯,豉油,味醂,糖混合
食得！

珍珠奶茶凍/珍珠奶茶

珍珠奶茶凍

四杯分量
珍珠粉圓 60g
紅茶包 四個
熱水 400ml
糖 75g
魚膠粉 12g
花奶/牛奶 150ml

珍珠奶茶
一杯份量
珍珠粉圓 15g
紅茶包 二個
花奶/牛奶 200ml
熱水 200ml
魚膠粉 12g
糖 適量
冰 適量

珍珠奶茶凍

首先要煲一大煲滾水
最好落多d水 珍珠就唔會痴底
水滾後落珍珠 煮15分鐘
關火焗15分鐘
再開火煮15分鐘 焗15分鐘
如果珍珠全透明無白色就ok
唔得就重覆多一次
煮太耐會太淋同溶晒
準備一盤冰水 倒珍珠落去過冷河
倒晒d水之後加糖就可以

紅茶包4個沖熱水
浸5分鐘後 搾乾茶包內水份
(茶包可以留返黎一陣洗碗或清潔用)
加入糖及魚膠粉拌均
最後加花奶
倒入模中就可以放入雪櫃
雪5小時左右
(沖茶時減100ml水 最後加100g冰粒可縮短冷藏時間)
茶凍凝固後用少少暖水浸個模
咁就好易倒出黎架啦
最後加上珍珠就ok啦

珍珠唔可以過夜
雪藏都無用(除非係工業級超凍咁急凍)
唔即日食會變硬
試過溝入荼凍入面一齊雪 最後d珍珠好硬
同埋反轉模時會跌晒出黎 好似蓮薘咁 ！

珍珠奶茶
趕收工模式第二代
奶茶最好用花奶 唔好用牛奶
一樣沖茶加糖加冰加奶加珍珠就ok

自家製烏冬 木魚清湯

自家製烏冬 木魚清湯

木魚清湯
水 1500ml
木魚花（鰹節） 30g
魚干 10g
昆布 4psc

烏冬湯
木魚清湯 300ml
豉油 2茶匙
味醂 1茶匙
糖  3/4茶匙
鹽  3/4茶匙

兩人份量
中筋麵粉 300g
水 135ml
鹽 15g

鹽溶於水中
加入中筋麵粉
唔洗用力搓均 只需要成糰狀就ok
室溫放兩小時 或雪過夜
準備一個大保鮮袋 或者厚身膠袋
放麵糰入去 著好襪
就可以踏平佢 再對摺
重覆五六次 就會好硬好有彈性 即係差不多
放兩個鐘等佢回覆柔軟
就可以轆成2mm薄片
撒麵粉防粘再三對摺
開始切麵條2mm
再撒麵粉撈一撈

用大煲滾水落麵
煮大約十分鐘至軟身
其間輕力攪拌 太大力會斷
最後用冰水過冷河
完成後可冷藏
或者落熱湯食用
(如果會冷藏遲d再煮 麵煮至八成熟就夠 好似意粉中間有心咁）

製作木魚清湯
日本最常用的清湯
好多野都係用佢做底
麵豉湯,關東煮,冷麵汁,天婦羅等等

魚干同昆布放雪櫃浸一晚
放入大鍋中 用慢火煮至起小水泡
即未水滾之前的狀態
抽起魚干同昆布 放木魚花
開火煮至水滾 再煮半分鐘
熄火用布袋過濾木魚花
就完成木魚清湯

木魚清湯加豉油,味醂,糖,鹽
煮滾就成為烏冬湯底

將湯底加入烏冬就完成啦
如果想試沾麵食法
將木魚湯分量減半 調味料加倍
就會做到沾麵汁

奶蓋綠茶凍

奶蓋綠茶凍

四杯分量
綠茶包 4個
熱水 400ml
魚膠粉 12g
糖 60g
cream 200ml
鹽 1/4茶匙
糖 1茶匙

奶蓋綠茶 500ml杯裝
綠茶包 二個
熱水 300ml
糖 適
 冰 適量
淡忌廉 100ml
鹽 1/8茶匙
糖 1/2茶匙

奶蓋綠茶凍
綠茶包4個沖熱水
浸5分鐘後 搾乾茶包內水份
(茶包可以留返黎一陣洗碗或清潔用)
加入糖及魚膠粉拌均
倒入模中就可以放入雪櫃
雪5小時左右 (沖茶時減100ml水 最後加100g冰粒可縮短冷藏時間)
淡忌廉加鹽及糖
打至半凝固 唔好太硬
茶凍凝固後用少少暖水浸個模
咁就好易倒出黎架啦
最後加上奶蓋就ok啦

奶蓋綠茶
趕收工模式！
 一樣沖茶加糖加冰加奶蓋就ok

雞蛋布丁

雞蛋布丁

約12至18隻
全蛋 2隻
蛋黃 4隻
牛 奶 400ml
淡忌廉 100 ml
糖 75g
鹽 1／4茶匙
雲尼拿條 半條

雞蛋用剪剪開就頂或者用專用開蛋器開
蛋殼用水洗乾淨撕出蛋內氣囊及薄膜

全蛋,蛋黃,牛奶,淡忌廉,糖,鹽混合
雲尼拿條取出雲尼拿籽
混合後過篩隔去雜質

[焗版]
蛋漿倒入蛋殼後
放入焗爐 150度焗25-30分鐘
直至表面凝固 但唔洗太硬 少少搖動唔瀉就ok

[蒸版]
蛋漿倒入蛋殼後
剪開保鮮紙成小塊包在表面
水滾後蒸四至五分鐘
如果表面好鞋起泡可較細火力

完成後雪凍就食得啦
但唔可以雪太多日 要包保鮮紙
如果唔係個面會好乾

蛋殼好易爛
食果時小心d  會爆炸！

你厚多士 紅酒燴梨磚塊吐司

 
一個550g模
高筋麵粉 400g
牛奶 230ml
糖 15g
鹽 3g
即溶酵母 4g
水 15ml
無鹽牛油 10g

啤梨 1個
紅酒 50ml
檸檬汁 1/4個
糖 30g
玉桂粉 1/4茶匙

雪糕一球

即溶酵母加水一湯匙溶解備用
高筋麵粉,牛奶,糖,鹽,酵母液混合
成形後加入牛油
搓約十分鐘成光滑麵糰
滾圓後放入已搽油的大碗包上保鮮紙
發酵一至兩個鐘 直至發大一倍以上
完成後壓平排氣 卷成條狀
放入模中再發酵至八分滿
180度焗25分鐘

啤梨去皮後切粒
加入紅酒,檸檬汁,糖,玉桂粉
煮至軟身
放涼備用

多士切片後烘脆切粒(怕散開可以切一半唔到底)
加上梨粒同雪糕就完成啦

日式芝士蛋糕

日式芝士蛋糕
6吋份量
牛油(無鹽) 30g
Cream Cheese 200g
糖 90g
淡忌廉 100ml
雞蛋 兩隻(鬆軟版 加兩隻蛋白)
雲尼拿條 1條
低筋麪粉 50g

Cream Cheese放室溫半小時回軟
雞蛋分開蛋白同蛋黃
從雲尼拿條起出雲尼拿籽
雲尼拿籽,蛋黃,牛油,Cream Cheese,淡忌廉混合
篩入低筋麪粉 再加50g糖 攪至無粒粒

蛋白加糖40g 打至企身蛋白霜
(鬆軟版可以加多一至兩隻蛋白)
兩者輕力混合
蛋糕模舖上牛油紙
放入己預熱焗爐170度焗 50分鐘至60分鐘
焗爐底加上焗盤注滿熱水 確保熱水成個過程都唔會蒸發晒
如果唔夠水的話 蛋糕會裂開架!!!!!
焗完可以用竹簽吉下睇下熟未
蛋糕焗完熄火留係焗爐慢慢降溫 咁蛋糕中間就唔會縮左入去
之後凍左就可以放入雪櫃
雪幾個鐘或者雪過夜就ok啦

檸檬芝士蛋糕

檸檬芝士蛋糕
6六吋份量
消化餅 6塊
牛油(無鹽) 40g
Cream Cheese 200g
糖 135g
純乳酪 100g
檸檬 1個
魚膠片 10g
淡忌廉 100ml

Cream Cheese放室溫半小時回軟
檸檬刨皮 唔好刨到白色部份 榨半個檸檬汁
純乳酪,Cream Cheese,檸檬汁,檸檬皮混合
加入75g(5湯匙)糖,20g牛油 攪至無粒粒
如果怕酸或者CREAM CHEESE本身鹹 可以加多D糖

魚膠片浸凍水直至軟身
將之前攪好的漿取出少量加已軟身魚膠片
隔熱水加熱至完全溶解
放回原來的漿中混合

淡忌廉攪至企身
輕輕力將忌廉與芝士漿泥合

消化餅 放袋入面整碎(有攪拌機可冷笑一聲)
加入20g牛油 30g糖
用手充份混合(記得洗手,所有唔洗煮的野食製作過程要超乾淨)
舖係已加牛油紙的蛋糕模中壓實
將蛋糕漿倒入模中 放入雪櫃雪四個鐘就完成啦

如果完成後蛋糕凹左有氣泡唔滑等等
可以用熱水浸熱把刀抺乾
就可以修理返d爛左既位